Selamat datang di Blog Darah Daud 303. TUHAN YESUS memberkati kita semua (hitam & putih)

Minggu, 05 Februari 2017

FIGURA TRISTEZA: "MATEBEAN ANTOINETA MATE TAMBA TUBERCULOSIS OU MATE TAMBA SISTEMA?"


Hau simu inbox ida husi belun dr. Neuza Oliveira, nebee horseik "sent" link ida (https://www.gofundme.com/ventilator-for-dili-hospital-icu), kona ba kazu; labarik feto ida, 17 anos, tenki mate iha HNGV Dili tamba deit "ventilator".

Iha link ne'e (https://www.gofundme.com/ventilator-for-dili-hospital-icu) iha
informasaun kona ba assunto refere. Info ne "justeru" mosu fali husi malae mutin (Mr. Bryan Bird) nebee sai iniciator, inicia halo esforsu (enkorraja) ema barak nebee iha "senso humanidade" atu bele fo tulun uitoan hodi bele sosa "ventilator" ba tau iha HNGV (Hospital Nasional Guido Valadares) tamba deit iha ICU HNGV, ventilator rua deit.


Iha link ne'e (https://www.gofundme.com/ventilator-for-dili-hospital-icu) dehan katak iha labarik feto ida ho naran Antoneita, tinan 17 nebe foin mate iha HNGV, iha dia 2 - Fevereiro - 2017, ho diagnoza Tuberculosis (TB).

Questaun bot nebee mosu mak tuir mai ne; "Tamba sa mak ventilator iha Hospital Dili rua deit? Não me digas, hospital bot ida, naran tan hospital nasional, centro referal ba moras hotu-hotu iha Timor laran tomak, mas ventilator ne'e rua deit? Osan mak la iha ka Governo mak karak ten? Karak ho "poupa" ne'e la hanesan.


Keta halo ba be osan iha mas governo lori osan ne'e ba rai tiha iha ortorio, sunu lilin mean bot ne'e, hakneak reza hodi adora tiha osan ne'e, tamba deit governo atu muda ide(ologia); "Ketuhananan Yang Maha Esa", sai tiha fali "keuangan yang maha kuasa".

Não me digas osan atu sosa deit ventilator mos la iha? This really makes no sense. Ka keta tamba estado no governo Timor hili sala fali "skala prioridade" karik? Osan fakar ba Pensaun Vitalicia sa millaun ba millaun, tamba deit maun bot no biin bot sira konta sira nia historia (sacrificios) la hotu rai deit.

To'o malae mutin sira mos tenki expressa sira nia "sense of humanity" - triste teb-tebes - tamba deit "assunto kiik", nebee que tuir los la precisa akontese, se ukun nain Timor iha aten no fuan.

Ukun nain Timor sira senti moe ka lae, enquanto "malae mutin" (Mr. Bryan Bird) mak sai fali "iniciator" hodi inicia (encorraja) ema atu buka maneira oin sa bele sosa ventilator ba rai iha HNGV?

MATE TAMBA TUBERKULOSIS OU MATE TAMBA SISTEMA?

Kona ba kazú matebean Antoineta, hau pessoalmente hare'e ida ne'e hanesan fenomena (simtoma) nebee refleta "erros - falhansu barak" nebee agora dadaun la'o hela iha Timor kleur ona.

Baseia ba dadus pasiente, labarik ne'e tinan sei kiik. Foin mak 17 anos. Se karik la iha moras seluk nebe hamosu komplikasaun sériu ruma hanesan ema idózu sira, matebean so sofre los deit mak TB, nia mai tan tiha ona iha HNGV, mas nia tenki mate, entaun nusa mak nia tenki mate tamba deit TB?


Matebean "MRS" ho status TB tipe oin sa nian?
(a). TB Pulmonal? Ou
(b). TB extra pulmonal (eg. TB Cerebral-Meningitis Tuberculosa) Ou
(c). TB millier? Ou
(d). TB ho komplikasaun barak?

Ou matebean "MRS" ho kondisaun TB nebee tama ona iha "fase inkuravel ka fase terminal nebee labele kura ona?" Ka keta aimoruk mak laiha karik? Tamba tratamentos ba TB ne'e preçisa "multi-drugs" (kombina aimoruk barak), no tempu naruk (fulan 6-to fulan 9).

Se matebean "MRS" ho kondisoens hirak nebee hau mensiona iha leten ne'e, entaun "cauza prima" nebee halo matebean tenki mate laos deit tamba "ventilator" maibee iha tan cauza seluk (nebee ita tenki buka to identifika hodi hadia atu bele prevene buat negativus barak, atu nune'e labele akontese tan iha futuro).

Mas se karik matebean "MRS" ho TB los deit, I moras TB ne'e laiha komplikasi ruma, laiha tan moras seluk aleinde TB los deit, nebe tuir los médicos sira sei bele salva nia vida enquanto nia hetan tratamento apropriado, mas tamba deit kondisaun HNGV nebee la favorable, aumenta tan ho kondisaun "under staffing" (tamba Pulmonolog dra. Neuza mesak los deit), inclui equipamentus menus los (ventilator mos rua oan deit), mak cauza labarik ne'e tenki mate, entaun hau nia konklusaun mak tuir mai ne;

================================================
"Matebean tenki mate laos tamba destinho husi Nai MAROMAK, laos tamba TB nebee sai nudar "cauza prima", maibe matebean tenki mate tamba SISTEMA nebee alem de prodúz ema kiak barak (tamba TB ne'e moras ema kiak sira nian) no mos SISTEMA nebee hamosu kondisoens negativus barak, inklui sistema nebee forma "heartless person".
===============================================


SOLUSAUN;

(1). Solusaun "tempu badak-pragmatis":
- Sosa "ventilator" barak (com certeza, governo nia domain).
- Resolve problema "under staffing" (tamba Pulmonolog ida deit).
- Hadia kualidade servisu (up-grade ethos kerja)
- Karik sei iha tan belun sira bele aumenta rasik ba.

(2). Solusaun "tempu naruk - komprehenship; 

(A). REVOLUSAUN KONSTRUKTIVA HODI HADIA SISTEMA
Se hau refere ba "Teoria Epidemilogia" (ice berg phenomena = fenomena gunung es), enquanto ita hetan kazu ida iha sociedade, ita tenki multiplika ba rihun ida (1 X 1000). Quer dizer que kazu hanesan matebean Antoneita nian ne'e, rihun ida (1000) mak la mosu mai públiku (kazu rihun ida ne'e sai tiha hanesan "silent cases ou hidden cases").

Dadus hatudu katak agora dadaun, rendimentu povu Timor Leste, einsima de 80% menus husi dollar ida loron ida. Atu dehan katak ema Timor ne'e, em cima de 80% ema kiak. Entaun ema sofre tuberkulosa mos barak, tamba alimentasaun (nutrisaun) fraku. Imajina tok ba. Ho rendimentu ida kiik hanesan ne'e, halo nusa mak ita bele combate moras tuberkulosa.


Baseia ba data statistik (dadus empiris), moras TB ne'e moras nebee dominan ema KIAK sira nian. Ema KIAK mosu no existe iha rai ida, dala ruma laos tamba deit rai ne kiak maibee tamba mos SISTEMA nebee existe iha rai refere mak resulta ema KIAK barak, entaun numeru ema nebee sofre tuberkulosa mos aumenta ba babebeik deit.

Pur exemplo SISTEMA nebee agora dadaun exsiste, favorece los NAOK TEN sira (os ladrões) nebee bele halo "NAUKSAUN" em qualquer maneira hodi resulta mosu ema KIAK barak, tamba deit MAL SISTEMA nebee exsiste, so "canaliza no centraliza riku-soin hotu-hotu", sulin ba deit lider ida rua ho ninian "familia ho ninian grupu borjuis no oportunistas sira".

Uluk ita kriitika dehan Indonesia mak "melhor ladrão do mundo". Mas afinal, ao fim ao cabo, Timor mos outra melhor ladrão do mundo".

Belun sira imajina tok. Mina Timor sei prodúz hela, no total populasaun Timor nebee seidauk atinji to'o juta rua, mas KIAK mosu barak los ona, sa tan quando loron ruma mina Timor maran no populasaun atinji númeru nebee bot. To'o iha pontu ida ne'e, ema KIAK iha Timor laran ita sura lori "computador" mos la hotu.

Iha momentu neba, Timor Leste tenki tama duni iha situasaun "fully failed state" (negara gagal total = monu hadeer hotu ladiak).

Tantu, atu prevene, minimal diminui "human error-falhansu" sira ne sai hetok (grave) liu tan nebee bele lori nasaun ne ba situasaun "fully failed state", se "revolusaun destructivu alias revolusaun inkonstitusional" (ho barbarism style) labele mosu (tamba fora de orbit), minimal tenki mosu "revolusaun konstruktiva alias revolusaun konstitusional", hodi hadia (se bele troka) sistema, liu-liu "sistema ultra conservativu" nebe favorece "os ladrõens" (naok ten sira) hodi produz ema kiak barak no mos hadia sistema nebee agora dadaun produz "heartless person" (manusia-manusia yang tidak memiliki hati nurani)".



(B). BE SMART (BUT NOT BE DUMB) ON THE ELECTION DAY

Komu nasaun Timor ne'e nasaun "democrasia", laos nasaun "monarkia absoluta", entaun "revolusaun konstruktivu alias revolusaun konstitusional", ita bele halo liu husi "eleisaun jeral".

Eleisoens jeral sai hanesan dalan ou meetodu, partidus poliitikus sai hanesan "infrastrutura demokracia" (laos sai fali objetivu), hodi kria ambiente nasional nebee bele resulta "konstrusaun strutura sosiais" nebe diak no to'o fim, bele hamosu no haburas bem comum (ba ema hotu, la'os ba grupu kiik oan ida deit).

Atu muda sistema, entaun tem que aproveita maximu oportunidade nebee tinan 5 mosu dala ida. Besik eleisaun ona, povu tenki muda nia hanoin, labele hili nafatin "sistema ultra conservativu" nebee produz hela deit "ema conservativu" ho karater "heartless (aten ho fuan laiha)".

Iha nasaun demokrasia, "konstrusaun strutura sosiais", atu diak ou atu a'at, forma husi actus "politikus nain sira". Politikus nain sira atu hetan poder hodi ukun, fator determinante iha povu nia liman.

Simplesmente hau atu dehan deit katak; "podér supremu loloss ne'e iha povu sira nia liman". So que dala barak, povu sira rasik mak la hatene utiliza sira nian podér supremo ne como deve.

Tamba historia hatudu bebeik ona lisaun barak, katak dala ruma, problema sosiais nia abut ne'e laos hahú husi politikus nain sira, maibee hahuu fali husi povu sira nebee gostu fraku (hakarak) hili hela deit "the dumb and heartless person over and over" nebee tuba metin hela iha "sistema ultra conservativu" nia laran. Entaun ida ne'e la'os bolu naran demokrasia, maibee "demo-crazy".

Ita so bele adora Nai MAROMAK (JESUS CRISTO) los deit. La'os adora fali "sistema nebee desfavorece ba povu marjinal sira nian intresses", sa tan adora fali "liders ultra conservativu nain sira" nebee ibun mak SOSIALIS mas kabun KAPITALIS.

=================================================
"The dumb politicians are not the problem. The problem is the dumb people that keep voting for the dumb and heartless politicians.

So, let's be smart (but not be dumb) on the election day. If we keep voting for the dumb and heartless politicians, then the nightmare will come true".
=================================================
Hakoak bot ba Timor oan sira hotu. Hela nafatin ho Nain JESUS CRISTO Nia graças rohan laek.

Tidak ada komentar: