Selamat datang di Blog Darah Daud 303. TUHAN YESUS memberkati kita semua (hitam & putih)

Minggu, 19 Februari 2017

Eleisaun Prezidensial. Lu-Olo Hahú Simu Vizita BARAK



DILI: Encanto (pesona) Francisco Guterres Lu-Olo konsege dada partidu balun hodi deklara ninia apoiu, la’os ne’e de’it, reprezentante nasaun sira iha Timor-Leste mós hahú hala’o vizita ba Sede Kampaña Lu-Olo hodi rona ideia no hanoin husi kandidatu Prezidente Repúblika husi Partidu FRETILIN ne’e.

Iha Sesta (17/02/2017), Lu-Olo simu vizita husi Embaixadór Qatar, Ahmed Bin Jassim Mohammed Ali-Hamar, no Embaxadór Ejypto, Ahmed Amr Ahmed Moawad.


Iha vizita ne’e, Embaxadór Qatar husu Lu-Olo ninia hanoin kooperasaun bilateral entre TL ho Qatar bainhira eleitu sai Prezidente Repúblika ba period 2017-2022.

"Embaxadór (Qatar) koalia kona-ba nesesidades par atu bele halo kooperasaun bilateral ho Timor-Leste iha future,” dehan Lu-Olo ba jornalista sira hafoin enkontru.

Kandidatu Prezidente Númeru 2 ne’e dehan, importante ba kooperasaun TL ho Qatar mak kooperasaun iha area administrasaun, turizmu no rekursus umanus.

Iha enkontru ne’e, Embaixadór Qatar hato’o mós perguntas kona-ba oinsa bele realiza kooperasaun iha area tolu ne’e, no Lu-Olo hatan katak kooperasaun ne’e bele hala’o iha aspeitu rua, ida mak liu husi investimentu no seluk liu husi kooperasaun bilateral.

"Ha’u dehan katak iha aspetu rua ka forma rua par ita bele halo koopersaun ida nee. Ida mak liu husi investimentu, ida seluk liu husi koperasaun bilateral ne’ebé ita-boot sira (Qatar) hakarak ajuda diretamente mai Timor-Leste iha area administrasaun, turizmu no rekursus umanus," Lu-Olo esplika.
Iha tempu ne’ebé la hanesan, Lu-Olo hasoru-malu mós ho Embaxadór Ejyptu, Ahmed Amr Ahmed Moawad.

Iha sorumutu ne’e, Lu-Olo dehan sira la koalia kona-ba kooperasaun tanba tempu ne’ebé limitadu, tanba Embaixadór atu ba aeroporu hodi halo viajen.

"Ami la koalia buak ida tanba tempu, maibé nia husu perguntas rua mai ha’u, primeiru: “ita-boot prepara ona Gabineti par bele hakat ona ba Gabineti Prezidente Republika?” Ha’u (Lu-Olo) so hein de’it votu popular iha dia 20 de Marsu. So liu husi votu mak ha’u bele hakat ba. Mas preparadu ba de’it iha ne’eba ne’e la’os foin prepara agora, ne’e lori tempu ona," Lu-Olo hatete.

Ba pergunda daruak, Embaixadór ne’e husu kona-ba saida mak Lu-Olo sei halo karik hakat ba iha gabineti Prezidente no nia gabinete sei funsiona oinsa.

Hatan pergunta ne’e, Lu-Olo dehna, iha orgaun haat iha Palasiu Prezidente Repúblika ne’ebé serbisu hamutuk, hanesan Kaza Sivil, Kasa Militar, Administrasaun Jeral ka públika Prezidensia Republika, no Gabinete Apoiu Direitu Prezidenti Republika.

Entretantu, liu husi enkontru ne’e embaixadór nasaun rua ne’e fó mós sira-nia apoiu ba Lu-Olo ninia kandidatura no dejeza susesu iha eleisaun prezidensial. (*)

fontes;

http://timoragora.blogspot.co.id/2017/02/eleisaun-prezidensial-lu-olo-hahu-simu.html?

Tidak ada komentar: