Selamat datang di Blog Darah Daud 303. TUHAN YESUS memberkati kita semua (hitam & putih)

Senin, 19 Desember 2016

"RAZAUN SAIDA LOS MAKA HALO KATUAS XANANA LA GOSTA LIU KATUAS RAMA METAN?"



 Artigo simples ida ne "sekedar" hakerek deit é so para "killing time" (passa tempo), para matan mos keta dukur.

PRIMERIA HISTORIA 

Iha loron ida, iha tinan 1999, Katuas Rama Metan kontak hau husi Jakarta, hodi dehan nune (curhat); "Manumean...! Hau ho La Sama agora dadauk ne iha problema sériu ho ema importante ida".
Ne be hau husu; "Problema saida tiu?"


Katuas Rama Meta dehan; "Tamba deit Ramos Horta mai ne, kok Renetil labele tama. Renetil mak loron kalan see hirus matan ba mate hodi organiza Ramos Horta mai visita Xanana iha Jakarta, teki-teki Xanana dehan fali Renetil labele tama ba tuir encontro?"

Depois konversa lao, lao, lao, to ikus hau foin hetan nia "fukun" los iha nebee? Hotu tiha hau husu; "Ema importante ne se los Tiu?"

Katuas dehan deit; "Ema ne ema ida que importante liu iha prosesu luta ida ne'e. Hau labele mensiona ema refere nia naran tamba dala ruma intel sira "sadap" hela ita nia conversa ne".

Hau nia laran hanoin hetan; "Ne la sala ona; Katuas Xanana".

Conversa ne hotu tiha, hau nia konklusaun mak ne;

"Katuas Xanana, pessoalmente la gosta liu Katuas Rama Metan, maibe laos la gosta Renetil. Iha situasaun nebee difisil teb-tebes, Renetil totalmente sempre "subordina" nia hanoin no hahalok tomak ba Maun bot Xanana nia hakarak.

Renetil sempre halo tuir saida deit mak Maun bot Xanana decide. Tantu Maun bot Xanana la iha razaun forte atu "la gosta Renetil".

Iha momentu ne ba (1999) hau la hatene los, ho razaun saida mak Katuas Xanana la gosta liu Katuas Rama Metan???

SEGUNDO HISTORIA

Loron ida iha Dili, iha tinan 2001, katuas Rama Metan konta nune'e (com certeza ami rua mesak hela mak nia curhat);

"Altura ne Xanana delega hau mak koalia kona ba Sistema Economia Timor nian ba ema estrangerios sira. Inclui malae sira (malae balun husi Eropeia, America, Australia, Brazil, etc, etc, etc.)"

"Altura hau koalia assunto Sistema Economia ne'e, Xanana encontro hela ho malae seluk iha quarto sorin. Hau koalia hotu tiha mak Xanana ho malae sira tama mai. Xanana tama mai, la kleur malae ("kabraun") ida hiit liman, husu fali assunto nebee hau koalia tiha ona. Husu los fali ba Xanana".

"Entaun, Xanana fila oin hateke fali mai hatudu espresaun ida que hirus hodi dehan;...bla..bla...blaa....!!!" (hau lakohi haktuir iha ne).

Katuas Rama Metan haktuir tan;

"Tuir los ne Xanana husu lai hau. Tamba hau koalia tiha ona sobre assunto nebee malae (kabraun) ne questiona ba nia. Altrura hau koalia ne, malae (kabraun) ne kal la tuir. Malae (kabraun) ne foin mak tama hamutuk ho Xanana ba laran".

Conversa ne'e hotu, hau hetan tan konklusaun ida forte liu tan katak; "Katuas Xanana mak kal la gosta duni Katuas Rama Metan". Mas hau la hatene nafatin, razaun la gosta ne saida los?

TERCEIRO HISTORIA

Loron ida, iha tinan 2002, iha lokraik ida, hau ho Katuas Rama Metan iha hela Kampus Undil (Universidade Dili). Ami rua dada lia hela Katuas nia fatin (Ruang Rektor Undil).

Dada lia halimar hela, teki-teki (tiba-tiba) iha jornalista ida telfone husi rai sorin. Se hau la sala, jornalista ne telfone husi Holanda (Netherlands). Jornalista ne halo interview ho Katuas Rama Metan.
Sira rua koalia, koalia, koalia, koalia...., dada lia naruk los (pur volta uma hora de tempo), hau tuur rona deit.

Iha jornalista nia perguntas hirak nebee hato'o ba Katuas, ida husu kona ba; "Nusa mak Rama Metan la involve ativamente iha Governo Timor Leste nebee Lidera husi Xanana?"

Husi Katuas nia resposta ba jornalista ne nia pergunta, hau foin hetan tan konklusaun ida forte liu tan katak loas Katuas Xanana deit mak la gosta Katuas Rama Metan, maibe Katuas Rama Metan mos, aumesmo tempo la gosta los Katuas Xanana.

Tamba Katuas Rama Metan dehan nune ba jornalista ne;

"Ami rua ne mak sevisu hamutuk, buat hotu stagnant (macet), servisu hotu la la'o, tamba ami rua "han" malu hela deit. Nia la simu hau nia ideias, I hau mos nunka se bele simu nia hanoin. Nia experta (ahli) iha Gerrilia, mas hau alem de Gerrileiro nain ida (antes Militar Indonesia tiru kanek hau hodi captura hau), hau mos experta iha area Economia, area nebee Xanana laiha nein coinhecemento diak ruma. Halo nusa mak Xanana bele hatene hotu (sotoy) fali buat nebee la'os nia area???"

Katuas hatutan; "Hau "unico senior Econmista" iha Timor Leste. Halo nusa mak hau bele ba simu fali Xanana nia ideias? Mak lae tiha deit?? Xanana..Xanana...Rama Metan...Rama Metan...!!!

Katuas Rama Metan hato'o ida ne ho hamanasa, jornalista ne'e mos rona ida ne;e hamanasa hotu. So hau mak la hamanasa. Hau "tersenyum deit", maske "tersenyum" ida ne arbiru (spontan) deit tamba hau rasik la hatene "tersenyum" ba razaun saida los???


QUARTO HISTORIA

Iha 7 Janeiro 2011, hau to Dili. Antes ne hau hela tiha iha Indonesia quaze tinan 8 nia laran nunka fila ba Dili. Assim que Katuas Rama Metan rona hau iha Dili, Katuas telfone hau dehan nune;

"Manumean, La Sama dehan dia 9 agora ita rua tenki ba lai Farol. La Sama hakarak los koalia ho manumean".

Dia 9 Janeiro dadersan deit Katuas mai tula hau iha uma, ami rua ba ona Farol. Objetivu ba Farol ne ami nain 3 atu koalia buat segredu bot ida nebee so "ami nain 3" mesak deit mak bele hatene. Ema seluk, bele familia no colegas diak mos, labele hatene.

Mas afinal, ami rua to ba Farol, Maun bot La Sama, iha hela bainaka balun mai visita nia. Altura ne iha Irmaun Marcelino Magno ho tan Senhor ida husi Ainaro, imas hau laduun koinhece.

Entaun ami nain 3 nia segredu bot ne labele koalia to ami rua fila tiha deit. Ami rua sei iha dalan, Katuas dehan nune;

"Iha eleisaun Presidensial 2012 mai agora, PD tenki candidata La Sama ba Presidente da Republica. Hau concordo absolutamente. Tamba ida ne laos opsaun maibe obrigasaun".

QUINTO HISTORIA

Iha loron ida, iha fulan Fevereiro iha tinan 2011, iha Kampus Unpaz Dili. Iha lorokraik ida, ami rua mesak. Ema hotu fila tiha ona. Ami rua dada lia, dada lia kleur loss...Katuas komesa "curhat" ona kona ba ema bal-balun iha PD (Partido Democratico) nebee nia atitude no hahalok arrogante liu, tuir Katuas nia versaun (impresaun). Katuas la gosta liu ho ema nebee "sotoy" (sok tahu).

Katuas dehan; "Hau mak hanorin tiha O kona ba buat hotu, inclui hanorin O kona ba politica, O mai hatudu fali O nia "sotoy" (sok tahu) ne mai hau. Hau halo politica, O nia inan-aman ladauk namora malu tan".

Katuas tutan tan; "Atoi, ema sira ne la iha liu ética. Lakon tiha sira nia civilizasaun. Dala ruma sira nia hahalok "sotoy" ne obriga hau lakon descontrolado to hau mos lakon hotu hau nia civilizasaun, hau sai tiha fali hanesan ema nebe laos civilizado, hau sente tiha fali hanesan "ema primitivo" nebee moris iha tempo "Pitecanthropus Erectus" (sounds madly funny).

Ami rua koalia koalia koalia...teki-teki Katuas tama ona to Maun La Sama no Companheiro Assanami. Katuas dehan nune;

"La Sama ho Assanami ne'e la hanesan membro PD sira seluk nebe sotoy ne. Sira rua respeita hau nafatin. Iha considerasaun ba hau nafatin nudar maun ida. Mas sira rua nia fraqueza mak ne; Haruka sira rua ba atu koalia ho Xanana nudar Lider PD, sira rua ba, to'o tiha iha Xanana nia oin, sira rua la koalia fali hanesan Lider Partido ida, mai be ba koalia hanesan fali "Xanana nia atan". Sira rua rende halo tuir tiha fali "Xanana nia gostu". Entaun Xanana lori ona sira ba tama rai kuak, monu hader hotu ladiak". Tamba ne'e mak hau nia naran nunka se bele mosu iha strutura Governo.

SEXTO HISTORIA

Iha fulan Março 2016, hau telfone ba Katuas Rama Metan. Altura ne Katuas iha hela Atambua. Ami rua dada lia, hau husu nune;

"Agora Tiu involve iha Partido saida?" Katuas dehan; "Hau la involve ativamente iha Partido ruma. Hau urus los kampus deit".

Hau kuntinua husu tan; "Karik PD sira mai dada fali Tiu ba PD, mais ou menos Tiu nia hanoin oinsa?" Katuas dehan;

"Karik sira mai dada fali hau ba PD, hau nia hakarak mak ne; "Sira tenki considera hau nudar Fundador PD, no sira tenki fo spasu nebee luan mai hau hodi hadia fali PD. Se lae hau la ba. Do que hau ba perde hau nia tempo, gasta hau nia energia tomak para to ikus sira hatudu fali sira nia atitude "sotoy" ne mai hau, entaun diak liu hau lalika fila ona ba PD. Hau urus los mak kampus deit".

====================================================================
Maun bot PD sira nebe planeia hela atu halao Congresso PD iha 13-15 Janeiro 2017 mai, haree ba interpreta didiak "terminologia" ida hau uza iha textu ne'e ("PD tenki fo spasu nebe'e luan").
===================================================================


SETIMO HISTORIA

Foin lalais, iha dia 29 de Novembro 2016, iha "Toko Buku Gramedia Denpasar Bali",hau hasoru malu ho colega diak ida. Colega ne'e membro Renetil jurado. Colega ne'e mos, actual tur iha Quadro PD.

Colega ne'e dehan; "Katuas Xanana la gosta liu mak Maun Adriano no Mana Lurdes Bessa, tamba descunfia sira rua ne "agency" (agen) CIA nian. Katuas Xanana descunfia ho razun nune'e; "Kada encontro, assunto segeredo hirak nebee descuti iha encontro laran ne'e, la kleur deit malae Americano sira hatene hotu ona. Entaun se los mak fo segredo hirak ne ba malae Americano sira?"

Ami rua koalia-koalia, to ikus tama to fali Katuas Rama Metan. Hau husu ba colega ne;

"Tuir los ne se los mak ida uluk dudu Katuas kandidata a'an ba Presidente Republica? "Padahal" antes ne, hotu-hotu aseita absolutamente, Maun La Sama mak avansa. Kok teki-teki, "edaran" ida sirkula fali iha Kampus, dehan Katuas Rama Metan mos avansa hotu? Hau primeira vez rona edaran ne mai husi Maun Buras Martins iha dia 21 de Maio 2011 iha Kampus Unpaz".

Colega ne esplika didiak, mak hau foin hatene lolos, pessoal ida dudu Katuas tenki avansa iha momentu ne ba.

Ami rua dada lia tan, hau hato'o ba colega ne;

"Katuas Rama Metan dehan mai hau katak PD sira mak lakon sira nia considerasaun ba Kataus nudar senior ida, nudar fundador ida, etc etc etc, inclui PD sira nunka nomeia Katuas nia naran hodi tama iha strutura Governo".

Colega ne hiit liman rua jura tiha mak dehan nune'e;

"Atoi hakarak hatene. Buat ne loloos ne laos hanesan Maun Lucas dehan ne'e. Companheiro Assanami ne, PD delega nia hodi lori Maun Lucas nia naran ba DALA LIMA, mas Katuas Xanana CORET nafatin. Katuas Xanana CORET DALA LIMA".

Colega ne hatutan; "PD nomeia Maun Lucas ba Ministro Economia, ba Ministro Cordenador, nomeia ba ida ne'e, nomeia ba ida neba, até PD nomeia Maun Lucas ba "VICE PRIMEIRO MINISTRO". Mas Katuas Xanana CORET nafatin. Katuas Xanana CORET Maun Lucas nia naran mak to DALA LIMA kedan".

Husi informasoens hirak ne'e lori hau ba to'o iha konklusaun final ida katak; "Katuas Xanana kal la gosta duni Katuas Rama Metan".

Mas até a data, até hau hakerek artigu ida ne'e, hau la hatene nafatin, razaun saida los mak Katuas Xanana la gosta liu Katuas Rama Metan? Parece so Nai MAROMAK deit mak hatene".

Hakoak bot ba Timor sira hotu iha nebe'e deit. Liu-liu hakoak bot ba Katuas Xanana no Katuas Rama Metan. Haree DAME malu ba.

Tidak ada komentar: