Selamat datang di Blog Darah Daud 303. TUHAN YESUS memberkati kita semua (hitam & putih)

Senin, 01 Februari 2016

ISTORIA KOMIK IHA SALATIGA JAWA TENGAH: "HAREE SALA NUMERU"



Uluk Impeltim Salatiga halao kejuaraan sepak bola antar Impettu se-Jawa-Bali. Iha evento ida ne Impettu Bali maka campiaun tamba nunka lakon (manan hela deit, empata dala ida, se la sala empata ho Impettu Solo).


Manager Tim Impettu Bali mak maun Alexandre Corte Real (com certeza husi Distrito Ainaro/sempat halao knaar nudar Komisaris Funsaun Publico). Maun Alex ne manager ida que tegas. La kompromi. Pemain terlambat la hadir pontual iha lapangan, kena hukuman. Kalan lebele perde noite (tenki toba sedu). Maun Alex toman mak la toba sedu, labele tama line up. Joga hotu, ida-idak tenki fase rasik nia farda.

Naton ne joga hotu, fila husi kampu mai, hotu-hotu fase nia farda. Mas la hatene halo nusa, loron ne mosu problema, gara-gara maun Alcino Barris de Araujo (husi Ainaro/uluk sempat halao funsaun nudar Vice Ministro Interna) haree sala numeru.

Maun Alcino hatais farda nomor 2 (tamba nia joga defesa). Colega ida naran JVC (Joao Vicente Candido/Dosente UNTL), husi Maliana, joga medio, hatais farda nomor 7.

Tamba haris fatin terbatas be tenki antri. Sambil hein giliran, JVC tula hela nia farda nomor 7 ne iha meja leten, tula hamutuk hela ho maun Alcino nia farda . Mas JVC nia farda nomor 7 ne, laran sai mai liur, liur ba fali laran. Ne be angka nomor 7 ne, haree sekilas hanesan fali angka nomor 2.

Assim que haris fatin mamuk, maun Alcino foti sala fali JVC nia farda nomor 7 ne tama ona ba haris fatin. JVC aproveita ida ne, JVC foti maun Alcino nia farda, soe tama tiha ba meja okos.

JVC ba hafuu, maun Alcino fase farda nomor 7 ne sambil kanta, semangat (75) loss. JVC hamansa kumu kabun.

La kleur haris fatin sorin mamuk, JVC tama ba haris. JVC sei haris hela, maun Alcino mos fase farda nomor 7 kanta nafatin. JVC hamansa hahae iha kuartu sorin.

Maun Alcino fase hotu, hariis tiha, sai mai lori farda nomor 7 ne ba habai ona iha tali jemuran. La kleur JVC rona ba, maun Alex ho maun Alcino haksesuk malu iha liur. JVC nia fuan komesa mola ona, tamba rona ba (senior) Ainaro nain rua (mesak primu-irmaun) diskuti malu ona .

Afinal maun Alex hetan tiha ona farda ida monu hela iha meja okos no fixa katak nomor 2 ne maun Alcino nia farda.

"Alcinoo..hau dehan saida? Disiplinaaa...Ida-idak tenki fase nia farda. Iha ne laiha kriadu, la iha patraun", maun Alex hirus ona.

Maun Alcino dehan; "Hau nian hau fase tiha ona". Fase tiha ona? Maun Alex foti farda ne hatudu loos angka 2 ne ba maun Alcino.

Maun Alcino hakfodak los, no komesa kestiona; "Entaun ida ohin hau fase ne se nia farda loos?"
Sambil kaer farda nomor 2 iha liman, maun Alcino hakat ba jemuran fatin hodi fixa didiak se nia farda mak ohin nia fase fali ne? Maun Alcino haree didiak ba sa afinal farda ne nomor 7.

Maun Alcino hatene ona katak ne JVC nia farda. Maun Alcino nervus ba la los, murmura ba la los, atu fo sala ba JVC ka, fo sala ba nia aan rasik? Pokoknya serba sala. Atu fo sala ba JVC mos la "fair" tamba laos JVC mak obriga nia fase. Atu la fo sala ba mos, sente laduun furak.

Entaun maun Alcino pasiensia tenki ba fase farda nomor 2 ne. Mas nia fase la semangat hanesan ohin fase JVC nia farda ne. Fase nonook deit, naran dudu kois dudu kois deit, la kanta taan.

JVC ba hafuhu, la rona maun Alcino nia lian ida semangat hanesan ohin fase ninia farda nomor 7 ne. JVC hamanasa kumu kabun, lao tiha ba warung, husu tiha kopi susu tuur hemu hodi sambil hein maun Alcino. Tamba JVC hatene katak, pasti maun Alcino sei ba warung hodi hemu kopi susu (minuman favorit).

La kleur maun Alcino mosu ona ba warung, assim que haree hetan JVC, maun Alcino nia expresi wajah berubah tiha kedan, toos derepenti deit, ne lori katana mautohe taa mos la haan.

JVC nia fuan tuku-tuku loss tamba tauk, keta halo ba be maun Alcino sasurut nia iha warung ne klamar aat sai kedan.

JVC kuntinua hemu kopi susu, finji la liga tiha maun Alcino. Maun Alcino husu tiha kopi susu ida, mas lori kopi susu ne mai tuur loos tiha iha JVC nia oin mak, komesa litik ona mak ne;
"Putu, O halimar ho hau ka? O hanoin hau ne O nia kriadu ka? Dasar Maliana baruk teen, lakohi fase farda. Istilus patraun fasista...."

JVC kal la tahan (sente komik) imajina fali ohin maun Alcino fase nia farda sambil kanta ho semangat..JVC hahaae tiha hodi dehan:

"Hirus fali hau ne hau mak haruka maun Alcino fase ka? Ne khan atas kemauan maun Alcino sendiri too. Kok fo sala fali ba hau? Hau atu fase, haree ba maun Alcino fase tiha ona, ya hau syukuri deit ona too".

Maun Alcino semakin nervus, nia liman ba aperta kedan JVC nia kamisa gola; "O goja hau ka putu?" ( ne mak la husik lais balu-balu nia nanaal azuladu kedan).

JVC tauk nakdedar ona ka. JVC dehan, "Entaun maun nia kopi susu hau mak selu".

"O hanoin ami Ainaro ne selu kopi susu labele ka?", maun Alcino tolak tiha JVC nia tawaran.
JVC mos tuur nonok deit ona, hakruuk, la brani hateke ba maun Alcino nia oin. JVC hemu lalais lalalis tiha nia kopi susu, JVC foin mak atu hakat sai husi warung, rona fali maun Alcino nia lian;

"Hee.. putu O atu ba nebee ona? Selu lai kopi susu nee ho sigarru masu ida....!!!" maun Alcino kulia sambil hamriik ba foti sigaru masu ida, loke dadaun, la precisa hein tan JVC hatan ka lae?
Haree mak JVC reket nehan fo hamanasa. "Hahaaeeee loooiiii...ohin sa Ainaro faan karu loosss...agora fali Ainaro obral hotu kedan... tiga seribu deit...."

Sumber; Dikutip dari buku; IMPETTU BALI UNDER COVER - Mati Tertawa Ala Impettu Bali (hal. 1).

Tidak ada komentar: